Ghani Mahdi - Dandante al-hakim al-arabi / غاني مهدي - دندنة الحاكم العربي lyrics

شعبي العريان يموت عليّا نكلخلو كيما انحب و الله مسكين نية عَمَّرتلو راسو شويا بشويا سَنْدروم ستوكهولم... ولّى يموت عليّا قلشتو بالفريق الوطني و هبطتلو سروالو فوتا عليّا ثلاث مرات و ما ربح والو قتلو أنتا حمار تموت عالبالو صفّق عليّ بلى ما علابالو و اليوم ما يسالني ما نسالو فقّرتو و زتلو فالزيت و السكر و كلما خرج يندب كْلَى الضرب من لابوليس و العسكر ساكت كالعقّون ، شاف خير ولاّ منكر هذا ماوش شعب ، هذا قطيع نعاج الله يستر شعب عايش بالتمني و الأحلام يموت على حفلات الراي و أفلام عادل إمام بِعتلو كل شي كريدي و قتلتو بالتخمام و كل ملا تواقات نقلّو سيري السنتورة و إلى الأمام شعب بلا ماضي ولا مستقبل نصّو حرق في فلوكة و الباقي راح يهبل يخّي قلتلكم نهار جيت اليوم الأول كان صرالي واش صرالكم راني طلعت للجبل