François Villon - La Ballade des Pendus lyrics

Freres humains qui aprés nous vivez, N'ayez les cueurs contre nous endurcis, Car se pitié de nous povres avez, Dieu en aura plus tost de vous mercis. Vous nous voiez cy attachez, cinq, six : Quant de la chair que trop nous avons nourrie, El est pieça devoree et pourrie, Et nous, les os, devenons cendre et pouldre. De nostre mal personne ne s'en rie, Mais priez Dieu que tous nous veuille absouldre. Se freres vous clamons, pas n'en devez Avoir desdaing, quoy que fusmes occis Par justice... touttefois vous sçavez Que tous hommes n'ont pas le sens ra**is. Excusez nous, puisque sommes transis, Envers le filz de la Vierge Marie, Que sa grace ne soit pour nous tarie, Nous preservant de l'infernale fouldre. Nous sommes mors, ame nous harie, Mais priez Dieu que tous nous veuille absouldre. La pluye nous a esbuez et lavez Et le soleil deseichez et noircis. Pies, corbeaulx nous ont les yeulx cavez Et arraché la barbe et les sourcilz. Jamais nul temps nous ne sommes a**is: A son plaisir sans cesser nous charie, Plus becquetez d'oyseaulx que dez a coudre. Ne soiez donc de nostre confrairie, Mais priez Dieu que tous nous veuille absouldre. Prince Jesus qui sur tous a maistrie, Garde qu'Enfer n'ait de nous seigneurie : A luy n'avons que faire ne que souldre! Humains, icy n'a point de mocquerie, Mais priez Dieu que tous nous veuille absouldre.