Foxy Myller - Alo Gwada Bobo lyrics

[ INTRO by Foxy Myller ] Gwada an lanbo ! Si, si, si, si, sèlman péyi la pa té an bobo, Gwada an lanbo Si, si, si, si, sèlman péyi la pa té an bobo, Gwada an lanbo Pa té an bobo , pa té an bobo [ COUPLET 1 by Snotty Noiz ] É an ka démaré san fren san rèfren , san sè é san frè tousèl an sèrkèy an mwen san kourôn é san flè Gwada ka bennyé an flanm é mwen kè an mwen Anflé, si an fèy blan an ka kraché flim apa lè pou fè flow An pa la pou fè flash isi ni solèy é plaj isi ni lozèy é crack donk siw vin o péyi chwazi byen olaw vé fè nofraj si ki pyé ou vé dansé kaw vé pilé? Pyé a frè aw ou ké a lisifè ? Frè la! An po'o pé' diw depose fè la! Pas déwô la vi aw vo mwens ki sé chenn a maille café la ! Pas isi ou pé mô pou on sik, pou on sakoch, pou on sek, pou on join seum pou on cannete crest ou on 5éro zèb É kaw vé an diw ? kaw vé fè ? ou vé chanjé les choz? Mè dog An mwen say vé sé tiré an bèl biten a koukoun wôz Tiré si on bèl jwent kon Wiz tiré pou brakéw an tan d'kriz tiré siw san rèmô pou voyé manman'w Pléré la pawas [Gwada an lanbo !(Foxy Myller)] É kay di ka nou ka fè ? zo konprann tout jenn gwada bizen travay an « espace vert » ? Fason isi ni plis chomè ki pyé bwa, alô onlo ka pran avyon ka vwayajé kon Elwa… Donk ansyen esklav ka lagé péyi a yo pou ta lé zansyen mèt Donk si nèg pa enmé fwadi an sèten i enmé fwèt Kon politik enmé fwôd é sizé pa'a fè anmèd, si pèp an mwen té si on chèz laFrans té'é ofèy on bèl kod A défo yo ka tchenn nou an lès é nou ka japé lè alokasyon rivé toumoun ka pé é Mm si ni priz de konsyans fo ranpli kadi, fè esans, es zo pé ban mwen nouvèl a LKP ? [ BRIDGE by Snotty Noiz ] Laaa gwadloup sé tan nou… Mè sa sé an gèl sèlman… É zo vé yo respecté nou ?! pèp an mwen ka aji kon put mè i vé poté plent pou arsèlman An té'é byen vé sav ka nou pwop ? apar bwè, Moët&Chandon fè bèl t-shirt pou bèl lantèrman Gwada, an ka palé onlo mè dan l'fon an ryen a fout, an ka diw li sensèrman An t é'é byen vé sav ka nou pwôp ? apar bwè, Moët&Chandon fè bèl t-shirt pou bèl lantèrman Gwada, an ka palé onlo'en… [ COUPLET 2 by Snotty Noiz ] Alo, Gwada ? ou pa'a réponn'en ? an ka di dé trip kè'w pa enmé tann'hein ?! Di mwen! si diskour la éroné , mwen an pa sav ! pétèt sé mwen ka « chlordéconé! » Ransennyé mwen pas an pa sur, pétèt gwada sé pou tourist, pétèt nou si la « cote d'azur » ! Ou byen sé mwen ki raté on épisode é ke an péyi lasa sa sa i pi enpowtan sé konfôw a lé zôt! Las fè konsi nou nonm, pas tousa sé fo sanblan, zo bésé fwok a zôt pou admèt nou pé pa fè san Blan! Pas nou pa fouti nouri nou menm, géri nou menm, é nou rèd yenki lè i saji dè fè lagè é nou menm Prèmyé an Bullsh**, prèmyé an konsomasyon o mwen nou tout dakô pou di on kouyon sé on nasyon ! Eh tchè la ka rédi kon kokain si récho lè an ka sonjé man Penchard an anvi diy koukoun a Micho Eh sé la mm pou Lurel é pani mistèr ! zo vann fès a zot Pou la « modique somme » de on ministèr! É pannan zo ka brasé milya, dansé le mia, isi o Bled lanbilans ka fè kous èvè korbiya « peu importe », san la cho, pèp la ochan kon sotrèl, pas yo ban nou zyé a Bill Gates, pôtfèy a Jean Pierre Coquerel Donk, tou moun vé dollar é'ou vé refè le mond èvè dé si ?!, mè isi, èvè dé koud si yo ké refè gèl aw Avan sété o pi gojèt tchôk, sété o pi low kick, alè fan fouw on bal an gôj pouw admèt kè an pi lou kiw Donk pisimé sové vi an mwen é tchouyé on frè ki dépozé les armes pas an pa luther king ni mère thérésa Gwadloupéyen menm si papyé an mwen make fransé an kon boutèy Capes èvè on étikèt a dlo Perrier ! LaFrans pa si istwa zot ! an péyi a yo, abolisyon a lesklavaj Pa mérité jou féryé Alô las palé'an dè blan las palé'an de béké, zo po jen fou yo déwô é jan sa kay an sur zo péké ! An ka vwè klè zanmi, an pa bizen linèt ! pou vwè apa drapo an mwen an men a Teddy Rinè ! An dézolé mè ! an pa'a santi mwen reprézanté mè bon fè sa zo vé kè la Gwadloup rèpozé en paix Brèf ! An ka di sa an vé mwen an pani tabou an péké fight pou mèt kochon an zèb si yo vé labou An péké fè fo sanblan fè gôj pou ayen pa chanjé ni fè Konsi èt gwadloupéyen sé jwé tanbou ! [ Si , si , si , si (Foxy Myller)] An las atann évolisyon la, an la konté si nèg pou pé sa trouvé solisyon la ! Ké chak poté kouy ay an pa'a fè fon asi pèsonn alè sé mwen révolisyon la ! An las atann évolisyon la, an la konté si nèg pou pé sa trouvé solisyon la ! Ké chak poté kouy ay an pa'a fè fon asi pèsonn alè sé mwen révolisyon la... Alè sé mwen révolisyon la , Alè sé mwen révolisyon la… [Mmmm Alo Gwada Bobo (Foxy Myller)] Alè sé mwen révolisyon la… [Mmmm Alo Gwada Bobo (Foxy Myller)] Alè sé mwen révolisyon la ... [Mmmm Alo Gwada Bobo (Foxy Myller)] , Alè sé mwen révolisyon la ! [ OUTRO by Foxy Myller ] Si, si, si, si, sèlman péyi la pa té an bobo, Gwada an lanbo ! Si, si, si, si, sèlman péyi la pa té an bobo, Gwada an lanbo !