Fiede Kay - De Buer un de Knech lyrics

Weer mal een Buer de wull to de Stadt He harr de Langewiel op sien Hoff satt Seggt to sien Knech: "Ik bliev weg för'n paar Dag Pa** schön op, op mien Hoff, op mien Fruu, Peerd un Waag!" Un as de Buer sien Dörp wedder seech Dar weer sien Geldbüdel meist op de Weg Möd vun de Stadt un de Haarbüdeli Gung he Richtung Hoff un he fleut noch darbi! As he so vör sik hengeiht, dar süht he sien Knech Der weer mit Peerd un Waag na dat Dörp on de Weg He fraagt sien Knech: "Gifft wat Niees bi't Huus?" Doch sien Knech seggt blots: "Nee, gifft nix Niees bi't Huus!" "Wo scha**t du denn so laat mit Peerd un Waag hen?" "Gau noch to Dörps un ik koop en paar Swien!" "Sünd denn de Swien, de wi hebbn di nich recht?" "De sünd uns doch all dootblevn“, segg darop de Knech! "Wovun keem dat denn?" fraagt dar de Buer ganz baff "Is doch ganz klaar, unse Schüün brennte af!" "Wo kunn de Schüün denn in Füür opgahn?" Seggt de Knech: „Bi de Wind sünd de Flammen överslaan!" Fragt de Buer: "Wovun kunn denn de Flammen överslaan?" "Vun dat Huus bi de Schüün, wo wi all doch drin waan!" "Wovun hett denn ok dat Wahnhuus noch brennt?" Fragt de Buer, de sik bald gar nich mehr utkennt! "Vun all de Kerzen!", seggt darop de Knech "Wieso denn Kerzen? Ik hör woll nich recht! Wie hebb doch Strohm, nu vertell blots keen Mis'" Seggt de Knech: "Man bruukt Kerzen, wenn een dootbleven is!" "Wer is denn dootbleven, mi warrt al ganz slecht!" "Dat weer dien Fruu!", seggt ganz sinni de Knech "Erna is doot, wo kann dat denn angahn?“ "Se wull rop, op de Böhn un is darbi dalslaan!" Nu stöhnt de Buer: "Wo kann dat denn angahn Wo kunn denn Erna de Ledder dalslaan? Ik heff ehr mannigmal darop stahn seen!" Seggt de Knech: "Darbi is woll nie so duun ween!" "Se hett doch meistens en Haarbüdel hat!" Seggt noch de Buer, dat klingt al ganz matt Dar seggt de Knech, as de Luft em utblifft: "Ja, ik segg doch al lang, dat dat nix Nies gifft!"