Daniel Lohues - Beste Koningin lyrics

Beste Koningin, Ik gao ‘n liedtie zingen ter ere van joen komst Naor dizze hoek van ‘t land Beste Koningin, wat zöl Ie der van vinden öm inplaats van naor ‘n lofzang te lustern naor ‘n plan? Want ok ik heb zitten denken over hoe ‘t giet met Nederland ‘t giet hier volgens mij net eben te hard ‘t Hiele land is bezig te veranderen in bedriebenpark Bouwland wordt bouwgrond veur de stad Moch der ooit besleuten worden dat der ien provincie komp waor ‘t platteland echt plat blieben mag Stel joe veur ‘t giet echt deur de regering giet der veur en, beste Koningin, stel de keuze ligt bij U; Laot ‘t dan Drenthe wezen ons aole Drenthe wezen De leste plek in ‘t land waor ‘t stille wezen mag Laot ‘t dan Drenthe wezen Ons mooie Drenthe wezen ‘n plek veur de lesten zoas wij Beste Koningin, Haol wel eben rekening met dat der hier al best wel industrie en zulkswat is Misschien ben ik wel te laate en he'k nie in de gaten dat ondertussen ok hiel Drenthe as de Randstad worden is Mocht der ooit besleuten worden dat der ien provincie komp waor ‘t platteland echt plat blieben mag Stel joe veur ‘t giet echt deur de regering giet der veur en, beste Koningin, stel de keuze ligt bij U