Birol Topaloğlu - Mu P̌at e Skiri lyrics

Ginon leksi ḉari, ginon ibiri Ginon içalişi ginon inciri Mutxani qvaťi mʒudi ren iri Var memaʒxvenan mu ṕat e skiri! Ma bedi xamanʒak mu ṕa var miçkin Mu mşinaman ṕia e-ti mis uçkin Ma na momḉunpe xvala ma miçkin Mişa medi ṕa mu ṕa e skiri! Dixa-muşis iven monǩa ǩata kva Ǩaṕiǩişa var bğir ak mʒudi mu ptkva Mişi medi ṕa, mişen ma mu pçva Miş neknaşan mepta, mişa e skiri! İris açkurinen ťǩebi muşişen Kumoli ǩoçi dido ḉuťa ren İri dulya ikten ncumu mḉǩuditen Var bore zengini mu ṕa e skiri! Ora moxťasen dido mgoraten Ǩaťa nena çkimi eşaḉaraten Hem oras irik ma miçinaten Şa mžirateni çkva ma e skiri! Kodomabğaşi ṕicis ǩibiri Domoximaşi ťanis diʒxiri Kaemixťaşi dudis inḉiri Gomişinere do mu iven e skiri!