Biermösl Blosn - Was braucht man auf'm Bauerndorf lyrics

Wos braucht ma auf'm Bauerndorf, wos braucht ma auf'm Dorf? An Bäcker der guad backt und d'Semmeln ned z'gloa macht. A Schuihaus mit am Lehrer drin, an Doktor und a Medizin. Des braucht ma auf'm Bauerndorf, des braucht ma auf'm Dorf. Wos braucht ma auf'm Bauerndorf, wos braucht ma auf'm Dorf? An Knecht der ned bloß schwitzt, wanna beim essen sitzt. A Katz, de wo recht fleißig maust, a Dirn, de wos vor goarnix graust. Des braucht ma auf'm Bauerndorf, des braucht ma auf'm Dorf. Wos braucht ma auf'm Bauerndorf, wos braucht ma auf'm Dorf? An Stier, der fleißig springt, An Pfarrer, der sche singt. A Harfn und an Dudlsog, an guadn Rauch, an Schnupftobag Des braucht ma auf'm Bauerndorf, des braucht ma auf'm Dorf. Wos gibt's nu auf'm Bauerndorf, wos gibt's nu auf'm Dorf? Koan Schuaster und koan Bäcker, de gloana Bauern verreckan. In d'Stod foahrnd de Leid zur Arbeit nei, auf d'Nocht scheudn's an Fernseh ei. So is heid auf'm Bauerndorf, so is heid auf'm Dorf.