Balti - Zoufri lyrics

تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا [دخلة] يزي مل الوسخ اليوم بكيت صفحة جديدة نحبك تحسبني مولود جديد اعطيني فرصة جيست نوريك اش كنت اش وليت ما تفزرش لماضيا في ماضيا تلزيت أما قلبي دمع للناس اللي كرهوني وحبيت حسبو رواحهم نساوني مي أنا عمري ما نسيت بكيت بكيت بكيت... [المقطع الأول] راني نقاسي في بلادي يا صاحبي ناس ما يرحموش تقول أناالشيطان و هوما الملايكة اللي ما غلطوش شديت الحبس وخرجت نادم من ربي نحب نتوب هو ربي رحم و الناس من غير رحمة في القلوب خاطر شديت ربطية كلوشار ولا تكية ناس تقفل في كل ثنية يشوفوا فيا قضية أنا غلطت أما نقسم بربي اللي أنا رضت ما عادش مرتاح لازمني بسكياتر يا صاحبي مرضت راني مجوجم في راسي ما عادش نحب نباسي يحبوني نعدي بقية عمري شادد بياسي يا الرازي ولا البلانصي ولا سيدي علي الحطاب يحبوني ديمة مريسكي يا نلحم يا نبيع الشراب الشي هذا كبيرة عليه هاني خليتو لماليه يزي ما أمي جابت قفة يزي ما تعبو والديه عديت حبسي و ندمت و اليوم طالب منكم السماح ما تخافش مني لاني سفاح و لا قتال أرواح هوما آدم و حوى غلطو خلي انسان ضعيف وسخ متاعي عل لاوراق أما أو-فون قلبي نظيف غير الوقت و البلاد خلاوني نولي كلوشار الله غالب رسكيت و طحت و تعبت الدار الربطية وفات فيبالي حلقة جديدة بدات تحب تنظاف قعدت مسخ في عينين لعباد غلط و تاب و اللي تاب ربي يقبل منو التوبة أما الخرفان ديمة تشوف فينا ذيوبة [اللازمة] راني نسوفري نسوفري...تحبوني ديمة زوفري زوفري نحب نبدل حياتي نشوف نهار جديد نبني حياتي من جديد راني معاكم نسوفري نسوفري...تحبوني ديمة زوفري زوفري نحب نبدل حياتي يزيني ما بكيت نبني حياتي من جديد [المقطع الثاني] خوك راني مخنوق راني ميت حي مشنوق مورالي طايح مهبط راسي ما نهزوش لفوق كلها تغزر على جنب في قلبو أنا شابع سب تقول ربي خلقهم من سكر و أنا خلقني م الشب كلنا ولاد تسعة شهور كلنا مخلوقين من طين كلنا نغلطو أما ربي يحب التوابين يزي ما ضاع عمري بين بين أربعة حيوط أنا نحب نعيش بيناتكم حكمتوا علي بالموت علاش كي تشوفني في الشارع تي يركبك الخوف الحبس للناس الكل ما تعرفشي ع الظروف راني رجعت لربي تايب راهو قلبي ذايب كبرنا يا حسرة كي كنت صغير طايش و سايب حتى كي حبيت نخدم قالو خارج م السجون ب 3 فيها وسخ دونك خارج عالقانون أقعد بطال مع البطالة و أزطل مع الزطالة أعمل نصبة مرقاز و أعطي للحاكم جعالة هكا يحبونا نعيشو دفنونا بالحياة تخمامي ولا في الحرقة ما عادش طايق البلاد مدام الامالي نكروني ولاد بلادي نفروني عديت ربطية و تبت أما ما عملتش الدوني ما لقيتش صدر حنين أبار أمي اللي تعرف كاري حست بي تبت ورضت وقيت نعمر داري نبدل حياة جديدة انسان نظيف ما يستجرمشي ربي يرحم أما مجتمعنا ما يرحمشي [اللازمة] [المقطع الثالث] حتى مل بنية اللي حبيتها هجرتني في الشارع حسبت روحها ما تعرفنيش و نكرتني لهدرجة ما عادش عندي بلاصة في قلوبكم كره و لا لوم ولا خوف شنية سبب هروبكم مني اللي غلط يخلص هاني غلطت و خلصت لغة الحبس حبست يزي من حبسي زرست اليوم بديت صفحة جديدة نحب نشوف الدنيا روز مرا و صغار و برشة حب للي نوصل للاوفر دوز يزي ما طشنا يزي ما يدينا ركبت فيها الحديد حاول تفهمني اللي أنا بديت حياتي من جديد ما تغزرليشي للماضي نحبك علي راضي أغزر للمستقبل طالب العفو كانك القاضي ربي يغفر للعبد و كان مشى في طريق لحرام طالب الغفران كان مشيت في طريق لجرام أما اللي كيفي علاش بيناتكم ما يفرحش ربي يسامح أما مجتمعنا ما يسامحش [اللازمة]