Anonymous - Lullay, myn lykyng lyrics

Lullay, myn lykyng, my dere sone, myn swetyng, Lullay, my dere herte, myn owyn dere derlyng. I saw a fayr maydyn syttyn and synge, Sche lullyd a lytyl chyld, a swete lordyng, Lullay, myn lykyng, my dere sone, myn swetyng, Lullay, my dere herte, myn owyn dere derlyng. That eche lord is that that made alle thinge, Of alle lordis he is lord, of alle kynges kyng. Lullay, myn lykyng, my dere sone, myn swetyng, Lullay, my dere herte, myn owyn dere derlyng. Ther was mekyl melody at that chyldes berthe, Alle tho wern in hevene blys thei made mekyl merthe, Lullay, myn lykyng, my dere sone, myn swetyng, Lullay, my dere herte, myn owyn dere derlyng. Aungelebryt thei song that nyt and seydyn to that chyld, "Blyssid be thou, and so be sche that is bothe mek and myld". Lullay, myn lykyng, my dere sone, myn swetyng, Lullay, my dere herte, myn owyn dere derlyng. Prey we now to that chyld, and to his moder dere, Grawnt hem his blyssyng that now makyn chere. Lullay, myn lykyng, my dere sone, myn swetyng, Lullay, my dere herte, myn owyn dere derlyng.