me seit, I heigi keni maniere
drby weiss I nume nid, was sech ghört
I cha tue & mache, was I wott
I fnge immer öpper, wo sech empört
I sig em tüüfu ab em charre gheit
& I sig e fräche siech
drby nimen I nume kes blatt vor ds muu
& mache nid grad ging, was jede anger
miech
& I bi nid so guet im tröi sy
& lüge tuen I sowieso
& we d luft när allzu dick wird
de schtilen I mi dervo
aber vo morn a giben I mir müeh
fa früsch & fromm vo voren a
maches aune rächt & setze mi für aui y
vo früeh bis schpät, vo schpät bis früeh
bin ich für alli mänsche da – jaja
villechlanisolasy
me seit, I heigi keni maniere
wüu I nid weiss, wie me ne bückling macht
& I nie brav ha «merci» gseit
we me mir schtatt brot het brosme bracht
& was I bruuche, holen I mir säuber
I schtah nid hinger a
& wär bi mir e grossi schnurre füehrt
muess o ne zimli breite rügge ha
I ha so guet wie jedes laschter
es guets härz han I o
nume da** bi mir haut dr tüüfu
o zum zug darf cho
aber vo morn a giben I mir müeh
fa früsch & fromm vo voren a
maches aune rächt & setze mi für aui y
vo früeh bis schpät, vo schpät bis früeh
bin ich für alli mänsche da – jaja
villechlanisolasy