Si ton lév un zistoir na rienk la pli pou raconté
Dolo dan ton zié noir lé kom desik dan ta** café
Si ton po frison sou mon doi le soir la ni enden la pou kosé
Ton sévé ek brouyar kom loder roz sou la rozé
Zistoir mésié l'ot' foi la manz son foi ek un grin d'sel
Si ou la fin mange un doit mét de sel sou la ké tourtrel
Dan'l temp té falé croir lété kom zistoir pér noel
Asoir c mon zistoir mi vé mélang ek un mamzel
Nou té fé batail cok kan lavoir la boutik chinoi
Dan temp gramoun edgar défun clémen l'arzen CFA
Zordi ou lé en someil sat ou la di ma rakonté
Ou sen loder la terre kan la pli y comens tombé
La di kréol lé noir lé vilain y gaine mém pas koz fransé
En plis li boir lalkol li fim zamal li sen mové
Sakin na son défo mét pas kréol pli ba k'la tér
Lé méyér qu'pa**e in két dan l'enterment kan demoun y plér
Gramoune si ou lété la
Ou noré rakonté
Lontemp un moun lété pov
Mé li té fé pas pitié
La di'a nou sa com margoz
Li va ni dou apré
La dose en overdose
Le ban margoz la pou gaté
Okilé mon kaz en tol
Mon ban kamarad kréol
Sat kan la pli si la tol
Té di na poin lékol
I té lév midi
Na un pé la tom dan lalkol
Pli fité la suiv gran l'ékol
Amoin ek mon lombraz
S'ra kom soleil dan ni'd fourmi
Ou té zoué sem la mok en tol
Larzen zordi la rouv out zépol
Oubli pa ton zasiét manzé
Oubli pa ton savat doi'd pied
Pa parské zordi ou lé mésié
Kou wa pi out l'identité
Ou la zoué sem mwin dan la pousiér out sévé conyé out sort la gér
Ton po couler roz blé bord'd mer
Son monmon mét pi kaplin
Son papa y sen la kisine
Ti frér debout dan sarét la pou agard lékol rentré
Sou son bra talèr son gouni
Pou son soméil lapré midi
Sra kom lombraz mon pié gouyav y fa** kan soleil y sa dormi
Okilé mon kafrine la ter
Son ti ker pay
Son kor la riviere
Kafrine ar vien digdig mon pied
Ar mét ton min dan mon sévé
Moin la envi ou défen a moin kroir
La fin dé temp pas loin arivé
Kom kares soleil dans kares la pli
Nalé viv mafat ou bien salazie
Et na laise un tras pou loder nout pay
Kan la pli y tom for
La di bondié la pou pléré
Na do lo si ton kor
Sat lé mien i dor dan mon zié
Mon rév kom in tablo le ban kouler la débordé un tablo un bato un l'arche comme sat
Noé
Bayoune kosa mi fé la
Kosa nora apré
Poukwé nou ri nou plér
Mais akoz nou yém nou tié
Wa di sa guép l'hiver
Fourmi l'éter sa lo sicré
Ba tiembo séré dan ker
La klé santié somin gran tremblé
Ester mi sar pi l'ékol
Mon ker kom in mok en tol
Andan dan un rum saret
O son plein po pas li sonne kré
Mi esper la nouvel line pou k'la pli y tom en farine
Mon kafrine sou son kapline
Son ker kom ravine
Va dégrène 'bordé
Mon méillér kamarad l'écol la di pou l'arzen fo pas koz kréol
Y fo ton tét lé bien pénié
Y fo ti gain bien coz fransé
Ou gain déza mars dan soulié
Ou maille pas dan ladi lafé
Fo dan ton zié na poin malol
Fo dan ton ker na poin lalkol
En plis falé ou té apren l'ékol