[الإنتاج الموسيقى : وان دير]
[المقطع الأول : فادا فيكس]
جاني يودّع في الليل ، هذي مدّة ما هدرناشْ
بالدمعة في العَيْنِينْ ، هذي مدّة ما بانشْ
صاحبي باغي يروح في البوطي ما يولّيشْ
ما فاهم والو غير نشوف فيه في وسط الليلْ
فهَّمْني قولّي كي بانَتْ و ؟؟؟ ليامْ
واش الروح راحت و ماتتلك تقول في هذ الكلام ؟
قالي صايي ما نولّيش غير اطلبلي التسهيل
راني رايح فوق البوطي باغي نغامر لهيك
بين القهوة و الدّخان راني خمّمت مليح
حياة الذل ما نبغيش ، ما نقارع التصريح
تعرفني من بكري قانع قابل نكون قلّيلْ
بصّح عييت أنايا نقارع خايف الحل ما يجيش
فَوّتْ لارمي كيما الناس و ضفت الموت في الجبال
عام و نص و راهي فاتت و غير باش نكون خدّام
الدوصيات ما كان لا معارف ، فاتوا عليا ليّامْ
راني محدّرْ لحد اليوم نتلاقو في لا مان
[H-Joe : اللازمة]
لا مـا تقولولــيشْ ، لا مـا تقولولــيــــشْ
خلّوني نروح بعيدْ ، قيلوني ما نولّيـــشْ
لا مـا تقولولــيشْ ، ربّي يجيب التسهيلْ
وين رايح يا ويــنْ ، للموت يا مسكيــنْ
[المقطع الثاني : فادا فيكس]
تعيا تشوف ما تلقاش ، ياو والو ما كاش
لا باغي ؟؟؟ غير يعيّيك التفتاش
لعلوا بيك في هذ الزمان ، قالوا تكبر و تشوف
نقولهالك أنا من دروك : كلشي ؟؟؟ ملعوب
لي كاين راهم داوه كول نتايا لكتاف
لي كيف كراهم نساوه كي موالين الكهف
كيما نتايا بزّاف فين شوية وين راك
رايح كيما هك ، هارب كي البرّاني من الدار
نتا ضحية علابالك جاية هكا من الفوق
مشي اللول و التالي لي من الدنيا ؟؟؟
مشي من البداية صاحبي تْهَدَّنْ ، صاحبي تْهَدَّنْ مليح
في البحر بلا حساب ، قيس حياتك في الريح
دير حساب لي يبغوك ، ديرحساب لي كان
تروح تخلّي هك الفيد و موراك الصبيان
تخلّي مرتك و والديك ، نعلبُّوها ليامْ
دير القلب مشي اليوطي لي يصنعلك الأحلام
[H-Joe : اللازمة]
[المقطع الثالث : فادا فيكس]
شا كنت قادر ندير ؟ بكلامي ما قنّعتَهْشْ
القلب لا من يموت يموت و ما يحياشْ
في الخلاصة شا نقول زيادة على الشي لي نقالْ
كيفاه كاين بزّاف طاحت قيمة الحياة
عَوَّل يروح و راح تهرسَتْلَهْ المارش اريار
شا نقول ؟ شا ندير ؟ الحل ما كان
القعاد ، الموت ، الفِيدْ ، قتّالْ
الـوقــت ادّى أحـلام الـشّـاب
عندك الكاميكاز في لالجيري نوع جديد
لا يموت يموت لروحَهْ ، غادي البحر يدّيه بعيد
الروح ما راهي عزيزة ما من عادة الإنسان
باغي نعرف علاش باقي مطروح السؤال
[H-Joe : اللازمة]