"Hörst Schatzerl, wo gehn mer heut hin?"
Fragt der Franzl die Leopoldin
"Beim Sperl, im Wiedner Theater
Dort treffn wir ganz sicher dein' Vater!
Und weisst, Schatz, i mag ihm net sehn
Mir waggeln noch heute die Zähn
Von der Mordstrumwatschen im Prater
Na, und dein Herr Vater –
Grosse Pratzen hat er!
'S is besser, wann i ihm nicht seh!
Halt, Schatzerl, I hab' a Idee!
Im Paradeisgartl auf der Löwelbastei
Is heute Feuerwerk!
Dort san nur die noblichen Leut zu sehn
Und weist, Schatz, im Finstern is's a ganz schön!
Im Paradeisgartl auf der Löwelbastei
Gott, wem man dort alles begegnet –
Vorausgesetzt, da** es nicht regnet!"
Na alsdann, die beiden gehn hin –
Der Franz und die Leopoldin!
Dort sitzen, beim Wein in die Gläser
Die Herrn im blaun Frack und im Stösser
Der Wienerwald träumt schon in Ruh –
Die Backhendln duften dazu!
A Walzer klingt süa** durch die Bamer –
Na, so schön spielt kaner
Wie der Herr von Lanner!
Man möcht ja im Himmel grad sein –
Und da zuckt der Feuerwerksschein
"Polderl, bitt dich gar schön
Da schau her: a goldene Sonn
Und fuchzig klane Sternderl!
Gott wie liab! - Pa** auf, dö zwa Sternderln
Was jetzt in d'Höh fahrn tan
San dös unsern – sixt es – das bist du!
Das was dir so schiabarisch nachsteigt, bin I!
Und dös Bladl, was da übrikommt? Is der Vata!
Im Paradeisgartl auf der Löwelbastei
Geh, gib mir a Busserl, ma schaut nit –
Zu was hat man denn seine Braut mit!"
Grad siecht man an feurign Kranz
Da plötzlich da reitsst's 'n Herrn Franz:
"Mariaundjosef, jetzt gibt's a Theater –
Ja da hinten da hatscht er, da Vater!"
Doch gscheit sagt die Leopoldin:
"Waast Franzl, mir tan uns verziehn!
Denk nur an die Watschen im Prater
Du waast, was sei Tax is
Jetzt hat er scho Praxis!"
Und wirklich, auf "Ja" und auf "Nein"
Sans beide scho furt und allein!
Im Paradeisgartl auf der Löwelbastei
Is' Feuerwerk vorbei –
Der Franz und sein Mädl indessen
Habn ganz auf's Nachhausgen vergessen
Im Paradeisgartl auf der Löwelbastei
Geh schau Schatz, wie schön do das Gras is –
Vorausgesetzt, da** es net na** is!