Dum Diane vitrea
sero lampas oritur,
et a fratris rosea
luce dum succenditur.
Morphëus in mentem
trahit impellentem
ventum lenem
segetes maturas,
murmura rivorum
per harenas puras,
circulares ambitus
molendinorum,
qui furantur somno
lumen oculorum.
dulcis aura zephyri
spirans omnes etheri
nubes tollit;
sic emollit
vis chordarum pectora
Post blanda Veneris commercia,
la**atur cerebri substantia.
Hinc caligant mira novitate,
oculi nantes in palpebrarum rate!
hei quam felix transitus amoris ad soporem,
sed suavior regressus ad amorem