En o meyo d'as biellas carreras trancadas.
Y en o zielo una estrela amortada
Remera o rudio fosco que faziémos.
As biellas cantas d'os lolos que ya no i son.
Y en a plaza, todas as nueis eba borina.
Y en as chamineras abió muito fumo.
Y agora toda la chents luen d'o lugar,
Ye bosando lo pre d'estar naxius astí.
Una istoria d'angunia y dolor
Que amostra...
Que os recuerdos no pueden afogar,
Pero l'ombre... Si!
Toz os suenios de a mía chobentut
Son agora en un mar d'augua dulza
As risetas y os amors que ya no s'ascuitan pas
Son agora la simién d'un ababol.
An son! As nafras y a calor.
An son! Bailes d'o corazón.
An son! O libro y o clarión.
An son! Os que agora no i son!