تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا مسلم
قشلة ريكوردز
[اللازمة] (X2)
مسلم واحد من الشعب
الراب ديالي ثورة ماشي غير لعب
شمال جنوب شرق وغرب
جيب العز ولا كحز" دايما فالقلب"
[المقطع الاول]
آ.كا.آي متمرد
كيما دايما باقي مسلم و الراب ديالي متشدد
باقي بنفس اللون العالم ديالي ولا كون
طالب من ربي يكونلي فالعون
يمكن الشهرة قوة أنا كنشوفا عدوة دايرة بيا كتلوى
حيت ملي بديت كنت عارف بلي الراب ماشي لعب
جبرت راسي كنمثل الشعب
جبرت راسي مسؤول على جيل
دمو يسيل زهرو قليل عايم فدموع الويل
كيفاش هاذ الناس بغاو يشدو فمي؟
بغاوني نكذب و أنا فالنفاق أمي
أنا باقي مع الي معايا
جيل عسكري طالع مورايا
درجة بدرجة عليت بهاذ الفن
حيت مسلم دايما عند حسن الظن
[اللازمة] (X2)
[المقطع الثاني]
صحفت راسي حيت صححت لساسي
شقيت طريقي بفاسي و دايما العز فساسي
عمري كنت ناسي حبابي و ناسي
الجمهور ديالي ربحي و راس مالي
اسمحولي بزاف حيت كنت باغي نسالي
الشهرة عذاب يالي كتمنى تكون فحالي
و انا باقي كنمثل فالزناقي
الراب الراقي ما شي الراب السواقي
و العاقة غير باش نزيدو فالطاقة
الفلوس غير وسيلة و الراب هو الغاية
و إذا تقلبت الآية و الراب ولى مشروع
اعرف بلي الفن يبكي بالدموع
MC's و هذي نقطة ضعف الـ
تلاقو الحبة يتحدى إبليس
خسارة كيموتوا بالزربة
حيت كذبوا و تاقوا بالكذبة
[اللازمة] (X2)
[المقطع الثالث]
م.س.ل.م مغربي من طنجة
الراب ديالي ثورة ماشي مجرد موجة
كاين الي حسبوه موضة و الموضة كتموت
و الوقت أيفوت و ايبقى اسمي منحوت
فالذاكرة ، أي مغربي وصلو صوتي
الراب ماشي حياتي الراب ولى موتي
قدرت نوصل لقلوب الناس حيت هوما وصلوا نقلبي
كتبت غير الواقع و الواقع ماشي ذنبي
طناش عام فالراب ديسكوجرافي عملاقا
وخى الدومان كبير نفس المبادئ باقة
باقي مسلم يعني باقي قاسح
و الفرق لي كاين دابا هو الجيل مكتسح
من دابا الفوق اشوفني قريب
و راك عارف بلي فمي صليب
إذا كنتي بايع و الحبة فالجيب
تمكش و كون حيت سخطي صعيب
[اللازمة] (X3)
مسلم واحد من الشعب
الراب ديالي ثورة ماشي غير لعب