Sometiem mi tink mi coe-workah crazy
Di way kristeen woodah gwann jokey-jokey
Den a nex time now a no-nosense stance
Di way she wine-dung di place la** krismus dance
Di way she love fi taak bout conspirahcy
Mi an kristeen inna di canteen a taak
Bout di det a black people inna custidy
Ow nat a cat mek meow ar a dyam daag baak
Ow nohbaby high-up inna society
Can awfah explaneashan nar remidy
Wen kristeen nit-up her brow
Like seh a rhow screew-up her face
Like seh a trace shi goh trace hear her now
Yu tink a jus hem-high-five an james ban
An poleece an solja ovah nawt highalan wan
Wen it come to black people winston
Some poleece inna inglan got lisense fi k**
Well notn kristeen seh sprize mi still
But hear mi now
Whey yu mean kristenn
A who tell yu dat
A mussi waan eediat
Yu cyaan prove dat
A who tell mi fi goh seh dat
Kristeen kiss her teet
An shi cut mi wid her yeye
An shi seh yu waan proof
Yu cyaan awsk Clinton McCurbin
Bout im haxfixiasham
An yu cyaan awsk Joy Gardner
Bout her sufficaeshan
Yu cyann awsk Colin Roach
If im really shoot imself
An yu cyaan awsk Vincent Graham
If a im stab imself
But yu can awsk di commishinah
Bout di liesense fi k**
Awsk Sir Paul Condon
Bout di liesense fi k**
Yu cyaan awsk di Douglas dem
Bout di new style batan
An you cyaan awsk Tunay Ha**an
Bout im det by niglect
Yu cyaan awsk Marlon Downes
If im hav anu regret
An yu cyaan awsk El Gammal
Bout di mistri a im det
But yu can awsk Dame Barbara
Bout di liesense fi k**
Awsk di DPP
Bout di liesense fi k**
Yu cyaan awsk Ibrahima
Bout di CS gas attack
An yu cyaan awsk Missis Jarrett
Ow shi get her hawt-attack
Yu cyaan awsk Olivier Price
Bout di grip roun in nek
An yu cyaan awsk Steve Boyce
Bout im det by niglect
But yu can awsk di PCA
Bout di liesense fi k**
Aswk di ACPO
Bout di liesense fi k**
Yu fi awsk Maggi Tatcha
Bout di liesense fi k**
Yu can awsk Jan Mayja
Bout di liesense fi k**
Yu fi awsk Mykel Cowad
Bout di liesesnse fi k**
An yu can awsk Jak Straw
Bout di rule af law
Yu fi awsk Tony Blare
If im is aware ar if im care
Bout di liesense fi k**
Dat plenty poleece feel dem gat
Sometiem mi tink mi coe-workah-crazy
Di way Kristeen Woodah gwaan jokey-jokey
Den a next time now a no-nosense stance
Di way she wine-dung di place laas krismus dance
Di way she love fi taak bout conspirahcy