(Jo na hona tha, woh mujhe hona pada
Aaj khokar tujhe jinda rahna pada
Waqt se jo mila mujhe woh jakhm
Seena pada, seena pada, seena pada) - (2)
Dur duniya se teree itna chalee aayee hu
Aaj main jism nahee, aaj main parchaai hu
Har jagah bheed ka sailaab tere chaaro taraf
Main apne aap mein simti huyee tanhaai hu
Jo bhee haasil huaa, paake khona pada
Aaj kho kar tujhe, jinda rahna pada
Waqt se jo mila mujhe, woh jakhm
Seena pada, seena pada, seena pada
Paas hai mere tere saath gujaare lamhe
Kuchh adhure rahe kuchh pure ho gaye sapne
Bahut sambhaal ke rakhati hu inako seene mein
Abb iss jahan me mere toh hain yahee apne
Yaad karke jinhen raat din rona pada
Aaj khokar tujhe jinda rahna pada
Waqt se jo mila mujhe, woh jakhm
Seena pada, seena pada, seena pada
Tujhe hai kasam mere khwaabo ko pura karna
Rang jo maine chune the wahee uname bharna
Abb inka jo bhee ho anjaam tujhpe chhod diya
Meri ummeed ko tu naa ummeed mat karna
Suna suna mere dil ka kona pada
Aaj kho kar tujhe, jinda rahna pada
Waqt se jo mila mujhe, woh jakhm
Seena pada, seena pada, seena pada