Bedardi mere saiyaan shabnam hain kabhi shole
Andar se bade zaalim baahar se bade bhole
Bedardi mere saiyaan ...
Matlab ke hain rasiya koi inhen kya samjhe
Ye khud bhi nahi apane bas inko khuda samjhe
Dam bhar mein ye tola hain dam bhar mein maasha hain
Bante hain tamaashaai aur khud hi tamaasha hain
Rah-rah ke badalte hain din-raat naye chole
Andar se bade zaalim ...
Har ek adaa mere baalam ki niraali hai
Baaten mohabbat ki magar pyaar se khaali hain
Aadat se hain bade chanchal surat hai badi saada
Aaj isko diya kal usase kiya vaada
Harjaai hain inse koi kya bole
Andar se bade zaalim ...