Tum ek baar muhabbat ka imtahaan to lo
Mere junuun meri vahashat ka imtahaan to lo
Tum ek baar
Salaam-e-shauq pe ranjish bhara payaam na do
Mere koluus ko firaas-o-havas ka naam na do
Meri vafa ki haqikat ka imtahaan to lo
Tum ek baar
Na takt-o-taaj na laal-o-guhar ki hasarat hai
Tumhaare pyaar tumhaari nazar ki hasarat hai
Tum apane husn ki azamat ka imtihaan to lo
Tum ek baar
Main apani jaan bhi de duun to aitabaar nahin
Ke tum se badhake mujhe zindagi se pyaar nahin
Yuun hi sahi meri chaahat ka imtihaan to lo
Tum ek baar