Gulami ka ghana andhera bharat me tha chhaya
Inklab ka nara gandhi nehru ne doharaya
Bhagatasinh aazad ne apane lahu ki nadi baha di
Jane luta ke viro ne aazadi hame dila di
Roko julmo ki aandhi ko, nafrat ka lahu mat bahane do
Kam se kam pyar ki dharati par toh pyar ko jinda rehne do
Roko julmo ki aandhi ko
Bhukh, garibi, bhari chauraho par lut gayi nari
Ghar me ghus kar goli mari, pakda gaya na atyachari
Insani ruho ke andar sama gaya hai haiwan darinda
Bech raha beti ki asmat, jala diya dulhan ko jinda
Jinki kokh se paida huye use ijjat ke gehne do
Roko julmo ki aandhi ko
Kate jism ko aur kaha tak katoge batalayo
Ik mann ko kitne hisso me bantoge batalayo
Kate huye tukado ko gar tum jod sako toh jodo
Mar ke patthar apani mann ka sar aise na phodo
Ang ang jakhmi hai kyon jakhmon ko sahane do
Roko julmo ki aandhi ko
Chikh rahi hai bharatmata gandhi gandhi wapas aao
Aazad desh ki main gulam, aazadi mujhe dilao
Lipat gayi hai tumse aakar apni bharat mata
Bacha lo isaki laj mere bharat ke bhagyavidhata