Ghungru kee tarah, bajta hee raha hu mai - (2)
Kabhee iss pagh me kabhee us pagh me, bandhta hee raha hu me
Ghungru kee tarah, bajta hee raha hu me
(Kabhee tut gaya, kabhee toda gaya
Sau bar mujhe, phir joda gaya) - (2)
Yuhee lut lut key aur mit mit key, banta hee raha hu me
Ghungru kee tarah, bajta hee raha hu me
(Mai karta raha auro kee kahee
Meree bat mere mann hee me rahee) - (2)
Kabhee mandir me kabhee mehfil me, sajta hee raha hu me
Ghungru kee tarah, bajta hee raha hu me
(Apno me rahe ya gairo me
Ghungru kee jagah toh hai pairo me) - (2)
Phir kaisa gila jag se jo mila, sahta hee raha hu me
Ghungru kee tarah, bajta hee raha hu me - (2)
Bajta hee raha hu me..............