Dost milte hain bichhadne ke liye
Phul khilte hain bikharne ke liye
Aashiya bante ujadne ke liye
Abb samajh aaya ke duniya kya hai - (2)
Ik ubal tha ik junun tha, mere jism me garm khun tha
Socha kuchh nahee bas nikal gaya
Apni aag me khud hee jal gaya - (2)
Dhup chadhatee hai utar jatee hai
Mauj sahil pe thahar jatee hai
Bat bhee had se gujar jatee hai
Abb samajh aaya ke duniya kya hai - (2)
Har taraf yaha maut hai ravan
Jindagee mujhe layee hai kahan
Dekha aaina toh mai dar gaya
Jine ke liye kitna mar gaya - (2)
Vakt jadu hai yeh chal jata hai
Rup kaa rang bhee dhal jata hai
Tap ke loha bhee pighal jata hai
Abb samajh aaya ke duniya kya hai - (2)
Duniya kya hai - (2)