Pou construit un ménage
Y faut fait bien attention
Créole la pas badinage
Y faut bien réfléchis avant
Joséphine l'est bien pressée
Li l'est en train ca**e à moin les pieds
Li dit à moin "mon doudou, mon gaté,
Kosak ti attend pou nou aller marier ?"
Son trousseau la fine paré
Li piouk piouk à moin dans mon cou
Y voit li l'est bien pressée
Pou mett' à moin la corde au cou
Mon case la p'encore fini
Moin la p'encore acheter le lit
Alors mi dis à toué "force pas moin,
Laisse à moin réfléchis, pou moin dis oui !"
Joséphine faut pas presser
Moin la p'encore paré
Y manque à moin beaucoup d'zaffaires
Coméla tout' d'zaffaires l'est chères
Joséphine donn'à moin le temps
Tout' chose néna son temps
Pas besoin pouss'à moin gatée
Mon l'heure la p'encore 'rivée
SOLO
Zordi nou la fine marier
Joséphine l'est toujours pressée
Li dit à moin li veut un marmaille
Tous les soirs nout deux y chamaille
Son berceau li la fine acheter
Son layette la fine préparer
Li dit à moin "mon doudou, mon coco,
Kosak ti attend, fais ton boulot !"
Pou' viv'avec Joséphine
Y faut avoir bon tempérament
Pas besoin mi suive in régime
Li press'à moin comm'un citron
Joséphine mi dit à toué a**ez
Ti vois pas moin l'est fatigué
Alors mi dit à toué "presse pas toué,
Laisse à moin inn ti peu reposer !"
Joséphine faut pas presser
Ça la pas pou gater
Ti connais nou na tout' nout' temps
Pas besoin ti fais ton gourmand
Joséphine faut pas presser
Coméla nou l'est marié
Pas besoin presse à toué chérie
Nou néna tout' la vie