Featuring Catharral Noise
Cusina col seciaro, un fogo che fa ciaro
Na casa col cacaro, tetoia pal caro
Gaine sol ponaro e pa da drio un leamaro
Me piase co xe caldo stare in canpi fin tardi
In conpagnia del can e fra e gambe sincue gati
A proposito, i gati mii no magna scatoete
- sara' par cueo che in giro no go pi maregoete -
Inpianto meansane pomodori tegoine
Fasoi, sucoi e altre streie de gombine
Senpre la che sapo, sterpo e cavo erba
E co se ora de concime cossa bu*to? - Merda -
Se capisse, varda cua' a roba come ea' cresse
Sto ano - verse sofegae e patate esse -
Ocio, spanocio fin che no so in zanocio
Fa**o marendin a pan biscoto e sepe in tocio
Taco su ea' stua e fa**o ea' poenta so ea' caliera
Go na secia de fasoi che destegoeo stasera
- gnente de speciae - so miga un grebano
-ma gnanca riso in bianco e na gamba de sedano -
6 dea matina e me sveio co un greio
Bevo un cafeate e salto via come un coneio
Si-si, si, si, si fa**o un cd e xe ok
- ma prova ti a staghe drio aea staea co i porsei -
Al bosco de castagni pa moeare calche liegore
Me manca soeo un fia' de posto pa moeare e piegore
- moeare do porsei in meso ae vegne che i rumega -
Bigoi co ea' uganega e na fiasca daea caneva
Co vago ciosa (no vegno) porto casa i bisati
Un fia' de radiceto e fa**o festa co i tosati
- a mi el me piase cruo a tanti coto col formaio -
Scaltrio so na tecia co do spigoi de aio
- pure' col museto - , sopressa col spago
- e dopo sora tuto un bel un tocco de asiago -
Se tratta de - minestrina de dado -
Contro pan biscoto e vin rosso col saedo
Me voe el tenpo che me voe co me sento a toea
Mi no so el tipo da patate e c**a coea
Do minuti fa ea' fia, magna de corsa e scanpa via
- moro casa mia no te saji porcaria -
Crema de sparasi, - crema de cachi -
Crema de cavoi, - score come raudi -
Ghe xe na gran difarensa che te senti fra el profumo de casada
- e ea' spussa de ca**ada -
X2 go un deo che xe zaeo, e me fa mae el caeo
Prima che vegna sera taio e onge del cavaeo
Go un deo che xe zaeo, e me fa mae el caeo
Prima che vegna sera ghe tiro el coeo al gaeo