Das letzte liad, des i spui, des spui i immer ganz zum schluß, und zwoa',
Spui i des ganz für mi alloa'. des liad, is gedonklich entstanden, am
25.03. letzt's joa' (1985), do is mei kusin' beerdigt word'n. nach der'er
Beerdigung, san ma noch ganz kuarz zu seine eltern gong'a. auf so a
Internes beerdigungsfest im kreise der familie und des woa wirklich a so
A kloan's fest. kaffee hot's geb'n und kuch'a. grod, daß se sich nit witze
Erzählt hob'n. g'locht hob'ns eh zum teil. i bin so a biß'l teilnahmslos in
Der eck'n g'sess'n und hob do so zua'gschaut. do is ma so a biß'l aufg'foin.
Vielleicht is ganz kurz zu erwähnen, wie mei kusin' um's leben kemm'a is,
Er hot' si' mit benzin übergoss'n und oh'zund'n, und koana wor dro' schuld,
Am wenigst'n seine eltern, für de' sing' i eigentlich das liad. des liad heißt
"für marianne und ludwig". und obwohl i ziemlich unbeteiligt an der ganz'n
Sach war, wenn's überhaupt oan beteiligt'n gibt, muaß i sog'n, daß 'as mi
Immer noch sehr belastet. zumal des liad, für mi a so noch an traurig'n
Hintergrund hot, mir is in der'a zeit a nit besonders guat gong'a, und i hob
G'merkt, daß i a überhaupt's koan hob.
Ihr hobt's überhaupt nit kapiert,
Um was do eigentlich gong'a is
Koan'a von eich, hot sich gedonk'n drüber g'macht
Ihr hobt's scho' lang wieder vergess'n
Und ihr hobt's noch gor net g'merkt,
Da** oana fehlt, bei uns am tisch, aber ihr lacht's
Ihr hobt's er'm reahr'n g'seg'n,
Ober eire aug'n, war'n blind
Ihr hobt's ihn schrein hear'n
Oba eire ohr'n warn taub
Nit vui' is üb'rig blieb'n von dir
Wenn i grod denk, was'd einmal warst
A poor gedank'n und a buid'l auf mein tisch
I tat mi schamm'a, wenn i so war, wie ihr
I tat mi schamm'a, wenn i überhaupt koa g'fühl mehr hätt, in mir
Komm geht's weg und la**t's mi' durch
La**t's mi ausse, bei der tür
I hob angst, da** i nebb'a eich da'frier
Die erinnerung an di', halt mi fast jede nacht wach
I wünsch ma nit, da** i des irgendwann, va'giss
Völlig umsonst is des ois g'wess'n
Und manchmoi, hob i so des g'fui
Da**'d gonz gern z'ruck mechst,
Weil's jetzt siehg'st, da** sinnlos is'
I spür den starken wunsch in mir
Da** i de kraft, irgenwann hob'
Da** i des a tua, und i schamm' mi, für mei angst
I frog' mi sowieso scho' lang
Was i do eigentlich no' tua
Hob so vui' vorg'habt und hab überhaupt nix g'macht
I tat mi schamm'a, wenn i so war, wie ihr
I tat mi schamm'a, wenn i überhaupt koa g'fühl mehr hätt, in mir
Komm geht's weg do, la**t's mi' durch
La**t's mi ausse, bei der tür
I hob's gfui', da** i nebb' eich da'frier
Siehg' eich sitz'n, und i frog mi, was i tua do, an dem tisch
I schamm' mi so, da** i sog'n muaß, da** i zu'a eich g'hör
Was int'ressiert mi'
Den schwaier sei fünfezwoanzg'tausend mark-einbauküch
Oder ei'er frischpolierter scheiss-korr'n, vor der tür
Ihr draht's eich weg, wenn's unrecht sehgt's
Lacht's ond're leit ins g'sicht
Und wenn's wos braucht's, dann la'ft eich's spucke auss'n mei
Ihr seit's so stolz, auf eich'a leb'n
Ihr glaubt's, ihr hobt's as' zua wos 'brocht
Und ei're kinda losst's va'reck'a, nebb'a eich
I tat mi schamm'a, wenn i so war, wie ihr
I tat mi schamm'a, wenn i überhaupt koa g'fühl mehr hätt,, in mir
Komm geht's weg do, la**t's mi' durch
La**t's mi halt ausse, bei der tür
I hob angst, da** i nebb'a eich da'frier
I hob angst, da** i nebb'a eich da'frier
Danksche', pfiat eich