Ha scho weder Dorscht
Ond s'zweckt mi e de Bei
Muess scho weder furt
Ech haut's ned uus dehei
Wo tanzt werd wotti hy
Ond vor mer stoht äs Bier
Ond vor mer stoht e Wy
Ond näbe mer, do stohne n'i
De Tanzlaubehond
Hüült vor minre Tör
Ech cha ned wederstoh
Muess em hendeno
Was chani de deför?
Dosse esches Nacht
Ond ech weiss äs, si werd lang
No bevor bem wöude Maa
Ech öber d'Schwöue gang
Dinne spelids uuf
Ond me trenkt ond lacht ond tanzt
Loschtig luegt de schwarzi Hond
Wo mer om d'Scheiche schwanzt
De Tanzlaubehond
Hüült vor minre Tör
Ech cha ned wederstoh
Muess em hendeno
Was chani de deför?
Wert, vöu aui Gläser!
Ech mach si weder läär
Musikante spelid lüüter!
Wott tanze näbehäär!
Chömid schöni Fraue
Oder wenigschtens die junge
Ech nemm üüch of de Schooss
Ond de werd fröhlech gsonge!
Aber wott de Wert si Batze
Wo n'ech em gärn gäh wör
Flügi samt em Köter
Zrogg es Elend vor de Tör
De Tanzlaubehond
Hüült vor minre Tör
Ech cha ned wederstoh
Muess em hendeno
Was chani de deför?