Dame un besu, morenina,
pero apréndilu a volar,
a pasar pente les rexes
y a posase equí al mio llau.
Cuandu taba ehí, siempre al par de ti,
nun-y daba yo importancia.
Encerráu equí,
namás pienso en ti,
cada vez tengo más gana.
Dame un besu, morenina,
nun me faigas esperar,
pero mándalu a esta celda,
nun lu mandes pal Ferral.
Comu lo tastié
yá dalguna vez,
toi naguando yo pol besu,
el que guardes yá,
el que me vas dar
en saliendo yo de presu.
Dame un besu, morenina,
dámelu que tenga sal,
comu los que me prestaben
a la vera de la mar.
Cuandu taba ehí,
siempre al par de ti,
nun-y daba yo importancia.
Encerráu equí,
namás pienso en ti,
cada vez tengo más gana.
Nun me va marcar el pasu,
dame xeitu p'aguantar;
van fundise los barrotes
cuandu me vengas buscar.
Comu lo tastié
yá dalguna vez,
toi naguando yo pol besu,
el que guardes yá,
el que me vas dar
en saliendo yo de presu.