Muzik Zeppelin strink ha stirlink,
Komzoù Abernot stok ha storlok,
O Jesus evelato, lavar Chan ar C'hanig,
Ur c'han hag e ziskan, etre Grall hag ar Milig
Ar paotr amañ dirazoc'h, a grog da kontañ deoc'h,
Mennozhioù en e spered, deuet en un taol, souden,
Soñjoù ken brav, ken krenn deus amzer e oad krenn
Fardet 'vel ur mell rata, hep tamm silzig, hep bane soubenn
Ha deoc'h tud eus ar c'hoadoù,
ha deoc'h tud eus ar c'hêrioù,
Donemat amañ e-pad ar
pennad ma vin o kanañ
Gant ma vo amzer da fringal,
farsal pe da ouela!
'vel ur marc'h o karnata, atav, atav bev,
'vel ur marc'h o karnata, atav, atav, bev
'vel ur marc'h o karnata, atav, atav, bev
'vel ar rimadell amañ, desket ugent vloaz bremañ:
"Fañch pemp logodenn en e vañch,
dek en e veg, roet hini ebet d'e wreg
Paol rampet war an daol a zebr kig ha kaol,
an daol 'zo toull, Paol pilet barzh an toull,
An daol a winte, Paol a strinke
Charlez ar c'hlapez o goapa e greiz Kemper,
dirak kouerien souezhet, un tammig mantret
Marc'harid, ar plac'hig peget ouzh he mammig,
ne c'hell ket dont a-benn da bakañ lost an Erminig..."
a deoc'h tud eus ar c'hoadoù, ha deoc'h tud eus ar c'herioù,
Donemat amañ e-pad ur pennad e vin o kanañ
Gant ma vo amzer da farsal , dañsal pe da ouelan...