Bomen en bossen, grus en mais
En af en toe eben 'n dorp
Huuzen en schuurties en stations
Waor dizze trein eben stopt
Vrumde mensen stappen in
En welken stappen uut
Elke keer weer krieg'k kippevel
Staal op staal geluud
We bennen der nog lange niet
We bennen der nog lange niet
Maakt niet uut, zolang 't zo zoas nou giet
A'j alles 's bij mekaar zoln doen
Mien meters in de trein
Dan ben ik de wereld rond dunkt mij
Allen' al op dizze lijn
Alles heb ik hier al vuult
Pieken vlaktes Dalen
Biezundere mensen tegenkommen
Niet te verzinnen verhalen
De maone schient op de kaole rails
Twee blanke strepen licht
Ik mocht bij de machinist veur in
Daor he'j 't beste zicht
Zunder stuur maar absoluut
Veuruut op volle kracht
De leste trein, zo goed as leeg
Dendert deur de nacht