A nostra ghjallinella
Avia persu un ovu
È a mio ciucciarella
Ind'un scornu l'hà trovu
A nostra ghjallinella
Dipoi u s'hà covu.
Da st'ovu un piulellu
Culor'di focu hè natu
Fù messu ind'un spurtellu
Man'è sera hè curatu
Da la mio ciucciarella
Cù a nostra ghjallinella.
U piulellu diventa
Pianu pianu ghjallettu
Bellu spessu spaventa
Cappiendu u so stridettu
A nostra ghjallinella
Cù a mio ciucciarella.
Quandu sarà maiò
Farà anch'ellu lege
Cum'è un papachjò
Pratindarà direge
Falchi è rundinelle
Lioni è picurelle