Kocelapxer İsinay da
Eşǩovoǯer cevoǯer
Ar toli çoyi ǩale
Ar ti ngola mevoǯer
Nepe toli aziru
Ham ngolaşi gzalepe
Çablate maçxa diki
Mu nǯorey didalepe
(İtatşa gogaşinan
Eveluri ndğalepe)
Gza vixenamt ngolapeşa
Keşkafťit İsinaşa
Xoroneri vidaten
Do pçitit ǩaṕulaşa
Eşǩeviťiť ceviťiť do
Mezmoneri govirťit
Montalepe vuǯvaten
Gzalineri na virťit
Gza muya voğodaten do
Ngola coçi vorťaşa
Mondo vipişmanaten
Virťaťşa ngolapeşa