Allschwil Posse - Schprungturm lyrics

D'Luft flimmeret überem heisse Asphalt D'Hose kläbt im Fudischpalt D'Windschutzschiibe isch voll toti Fliege He Brueder, do vorne rächts abbiege! Joggeli und Eglisee, sin grad ume'n Egge, was wotsch meh? Kasch di bequem uffe Rase bette, oder Meitli usem Schwimmbecki rette Do kasch Körbligrösse rote, oder einfach in dr Sunne brote Oder au im Schatte bliibe und mit kiffe d'Ziit vertriibe Di andere Gescht, die löhn mir läbe, well intolerant sii, das wär drnäbe Solle sie schwimme, solle sie schprütze, und ihri Huut vor Sunnebrand schütze Solle sie Wurscht und Popcorn frässe, a so Sache hämmir kei Inträsse Mir verteidige nur unseri Hoheitsgwässer, dr Schprungturm ghört uns Dr Schprungturm ghört uns, dr Schprungturm ghört uns Brueder, lueg, d'Wält ligt zu unsere Füesse. Do wirdi demüetig, i kumm mer glai vor, wie'ne Mufflon näbeme Zwärg. Dr Bärg isch d'Metaphere für de Urschprung vo allm. Mir sin do obe an dr Sunne, die andre dunde im Qualm. Und was lehrt uns das? D'Vergänglichkeit, die schpürt me mängmol sogar z'zweit Mir sünnele unsri Luxuskörper und kömme uns vor wie Gfängniswärter Oder wie Scheffe von're Fabrigg, mir hän de total Überblick Dr Schprungturm ghört uns, dr Schprungturm ghört uns Dr Christian us Kaiseraugscht, dr Sohn vo däm wo die Turnschueh fälscht Isch nit dr Hällscht, dä schnüfflet Kartonkleischter, und jetz schafft er do als Hilfsbadmeischter I glaubs jo nit, jetz macht dä Schtress, i däm kesse wiisse Badidress? Jo er meint, dr Schprungturm sig für alli, und da** ihm unsri Art nit gfalli Du, däm knalli eins in d'Frässe, het dr Christian vergässe Wie me redt mit höchre Charge? Löhn mir uns vo däm verarsche? Nüt isch Brueder, loh mi mache, s'vertreit jetz do kei halbi Sache I schtoh eigetlich überhaupt nit uf Gwalt, aber wenn's eine bruucht, jenu denn halt Lueg Christian, jetz gits öppis z'lache, kumm mach emol e gschtreckte Auerbacher E Doppelsalto und e Schruube, dänggsch eifach ane Friedenstuube Du Tällerlitaucher, du Rettigsschwimmschüeler, du Schatteboxer, du Zuberbüeler I brunz in d'Milch vo dinre Mueter, us dir mach ich Schtudäntefueter He Brueder hör uff, das Meitli ploge, dr Christian isch jo gar nümm do obe Dä isch doch scho längschtens aabegfloge, du hesch sälber au no anem zoge Je m'éxcuse Frollein, das isch mir jetz aber unwahrschiinlich piinlech, drfür kriege sie vo mir e Tandemschprung als Wiederguetmachig und als Entschädigung Und underwägs, uf halber Schtrecki, bevor mer glandet sin im Becki Verschprich ich Ihne e p**y-Kuss, und e Rutschbahnfahrt noch Badischluss Dr Schprungturm ghört uns, dr Schprungturm ghört uns Dr Badmeischter, dr Badmeischter dr Badmei-Badmei-Badmeischter Dr Chef-Badmeischter dä sehmer sälte, und au dä het überhaupt nüt z'mälde Mängmol möcht er duuregriiffe, mit siner primitive Trillerpfiiffe Aber wän intressiert das scho? Well mir, mir hän e Piccolo Dr Schprungturm ghört uns, dr Schprungturm ghört uns