Allschwil Posse - Kessel vo Altschtette lyrics

Mi jüngschte Brueder isch erscht zwölfi, und i sim Heim do mues es d'Höll si Ohni Gält kei Perschpektive, kei Meitli do zum nochepfiife Du, dä isch wirklig none Buschi, I hane mol gseh under dr Duschi Aber trotzdäm isch är meh denn je, e treue Fän vom FCB Är hett eifach nur als freie Bürger dr Matsch welle luege gege d'Zürcher Geg die blöde GC-Idiote, und das isch sovill i weiss nit verbotte Är isch mit sine Kollege zfride ine Extrazug iigschtiige Zum im Hardturm eimol meh dr FC Basel gwinne gseh In Züri wachst nur suure Wii, drum hämmer alli Bier drbii Und singe fröhlich: Mir wän glii wider Schwiizer Meischter sii Die Zugbegleiter, die sin e Witz, motze wäg zwei drei dräckige Sitz Isch jo klar, da** sie so högschtens erreiche, da** d'Kunde in Papierkorb seiche Aber do wo denn durs Fänschter scho die Slumschtadt Züri in Sicht isch koh Gohts plötzlich nümm wiiter, niemert weiss wieso, und dr ganzi Zug bliibt eifach schtoh Im Kessel vo Altschtette, im Kessel Dr Extrazug wird schträng bewacht, e paar hän zerscht no drüber glacht Was wird denn do i däm Bahnhof gmacht? E Kessel- oder e Küssischlacht? Aber denn het's vo allne Siite kracht: Gummi zum Zvieri und Knüppel zum Znacht Iikesslet und gfesslet vom Trachteverein Verrote und verkauft, wiit furt vo diheim Uusglacht und verschpottet, schikaniert und fichiert Drbii simmir nur bitz erläbnisorientiert Abgfüehrt in Kette ussem Bahnhof Altschtette S'het kei Toilette, kasch di nit rette S'git nit mol zum Uffwärme e Zigarette Nur Kabelbinder als Gratis-Manschette Im Kessel vo Altschtette, im Kessel Minderjöhrigi und Kinder, het d'Zürcher Polizei, die Menscheschinder Zämmegschnüert mit Kabelbinder, dusse aabunde zmitz im Winter Nur wägem Trikot und em Basel-Schal hett me si verhaftet sackbrutal Bis an d'Zehn bewaffnet und in Überzahl: Skandaljuschtiz! Juschtizskandal! Do reist me an e Matsch friidlich und privat, und scho goht dr Terror los vom Schtaat Rund umme Bahnhof sächshundert Maa, vo überall här hets Bulle gha Zürcher, Churer, Winterthurer, d'Schteigerig vo schtur isch schturer, Diktatur und Diktaturer, dr Gipfel, dä heisst Esther Muurer Eins isch klar, vo uns fahrt niemer meh in Zuekunft mit dr SBB Die miese Bähnler sin doch genau wie d'Fuessballmafia SFV Inkompetänt und ineffiziänt, das weiss er vo eim wo Fremdwörter kennt Mir kämpfe gmeinsam gege d'Bahne mit de Lanquart-Veterane Die solle doch luege wo si bliibe, wenn si roti Zahle schriibe Die SBB-Gängschterfirma goht bankrott, und d'Lokine kömme uffe Schrott Im Kessel vo Altschtette, im Kessel Die Zürcher Bulle, das sin Verbrächer, mi Brueder isch doch düütlig schwächer Aber eins isch garantiert: Das vergisst er sicher nie! Im Kessel vo Altschtette, im Kessel Das het'ne uffgregt, ganz verreckt, s'nägscht Mol reisemer verschteckt Im Kessel vo Altschtette, im Kessel Kei Menschlichkeit, kei Toilette, nid emol e Zigarette Im Kessel vo Altschtette, im Kessel Die hän sich nit vill überlegt, si hän e schlofende Drache gweckt! Im Kessel vo Altschtette, im Kessel