Alberto D'Amico - Mama Madona Dei Venessiani lyrics

Mama Madona de li venessiani ti te ricordi secoli fa l'ambasciatore dei mantovani a giugno la peste el n'à portà Ti te ricordi Mama i morti grumi de sangue marsi al sol i gh'emo brusài e po' coverti co la calsina a mo' de nisiol Pareva morta anca la vita 'na spussa nera da respirar quando la carne restava neta la se butava in tera a pregar Mama Madona salva Venessia dane la vita fane la gra**ia te fermo un voto Mama de Dio femo una ciesa che 'riva in cielo Sarà la Ciesa de la Salute se farà festa su le scalinate par ti Madona che ti xe bona che ti ne salvi da la rovina La peste pa**a po' vien 'na guera se gh'à speransa po' se sta mal vien la fadiga che ne rancura e se vestimo da carneval 'Desso se alsa aereoplani vardemo el cielo par de svolar ma quando mai saremo boni sora 'sta tera de caminar 'Na ciminiera in rafineria la subia un fogo verde e arancion disemo varda la par 'n candela e te la portemo in procession Verde e arancio xe la to festa ma i to colori orba la vista vardemo il cielo e semo già veci pieni de peste dentro i oci No vien dal cielo nissuna vita la vien dai rami come la fruta no vien dal cielo nissuna piera xe i nostro bra**i che ne sotera.