Ahmed Mekky - Atr El Hayah - قطر الحياة lyrics

في كل لفه عقرب ساعه عمري بيتسرسب بيعدى الناس والدنيا بتتغير, حتى الحديد بيصدى وأنا الوحيد واقف مكانى ثابت في ناس اختارت سكة صابت ناس تانية اختارت سكة خابت احساس قاسي وصعب لما الناس تشوفك فاشل ابوك وامك واخواتك وصحابك شايفينك عاطل قوم يابنى اسعى وحاول والله غلبت احاول ياما حاولت و قبل ما الجون ما ييجي يطلع فاول معنديش مهارة وحتى كوسة وحوستى حوسة ودوست بعد اخر البنزين بدوسة في كل مقابلة شغلانة يتقالى لف نفسك شهادتك معادتشي جامدة اي حيط وخدلك بوسة رجعت فلاش باك حسبت سنين عمري 30 سنة لقيت حسبت تانى وتالت واتخضيت ببص في المراية كم شعراية بيضة لقيت وابويا هو الى لسة بيصرف ع البيت بتعامل من عيلتى على انى عالة وحالتى حالة ثقتى بنفسي راحت النجاح بقى استحالة نفسي اهرب من نفسي ومن حالتى و من عيلتى ومن الدنيا نفسي القى دنيا تانية اهرب ليها ولا حتى ثانية وفي يوم قالهالى صاحبي والى يدلك عالطريق ميفدش صاحب غير صاحبو اسمع من الصديق قالى في قعدة ضرب حلوة باليل عاملينها سالتو هاش ضحك وقالى بيسة قولتله لا منها قالى متخافش مش ممكن تدمن من اول شكة اقنعنى بالليل فعلا شكيت اول شكة مفاصلي ساحت وارتاحت وروحى راحت بكلم نفسي من جوة وبرغي من برة ساكت همومي شبه تاهت والرؤية بهات في باهت كل مشكلة كانت عندى في الدنيا ماتت وتاهت عدت ساعات في ثانية لقيت الصحبة قايمة دخلت بيتى وش الفجر عيلتى كانت نايمة دفنت نفسي تحت البطانية جسمى مثلج نمت في اقل من ثانية نومت واحد مبنج قطر الحياة بيعدى بسرعة.سنة فـ سنة فـ سنة وانا زى ماانا من لما كان عندى سنة هيا هيا الحياة هوا هوا انا انا زهقت طهقت من الحياة تقدر تقول مليت انا صحيت وفقت رجعت تانى للواقع والعكننة حتى النهار بطيئ كأنة كام شهر وسنة نفسى النهار يعدى بسرعة وأضرب تانى ارجع ملك زمانى بعيد ع العالم الى رمانى خلونى أضرب معاهم كل يوم وبتعزم خلاص دخلت السكة والطريق بيترسم فجأنى صحبى فى يوم قلهالى فى وشى خف تعوم أجيب فلوس ليا وليك نضرب كل يوم شخشخ جيبك ياأما من قعدتنا دى تكون محروم من انهاردة مفيش ضرب ببلاش مفهوم روحت وتانى يوم فى معاد الضرب جسمى اتكهرب كرابيج فى ظهرى ومنخيرى سايلة وبتسرب منين اجيب فلوس منين اجيب فلوس بدأت استلف فلوس من كل الى اعرفة وأدوس وحتى أخواتى خت منهم فلوس دروس كلة كرهنى وبيهرب منى زى تقلت على النفوس خمسين جنية فى خمسين فى مية بسرق يوماتى من البيت والكل شك فيا نزلت بعت كل حاجة جاتلى فى يوم هدية خلصت فلوسى لحد فى يوم ماجتلى فكرة هيا هيا دهب امى موبايل اختى لاب توب اخويا سرقتهم نزلت اهرب من البيت قابلت ابويا حاول يمنعنى مسكنى من أيدى جامد زقيتة وأتخبط فى الحيط بصلى ازاى ابنة وأزيتة خد منى كل حاجة وتربس الباب غضب سعتها طلبت اغرب حاجة ممكن تتطلب عاوز فلوس حلاّ يأما هرتكب جريمة أتهمنى بالجنون وأدانى كام شتيمة... ببان كل الأوض بتتفتح عيلتى بتتفرج يمكن دا جد يمكن بنهرج سحبت بنت اختى 3 سنين نحيت شباك هاتو الفلوس لرميها فجأة زاد الأرتباك أمى بكت بحرقة قدامى فقت لثوانى رميتلى فلوس وبصوت عالى مشوفش وشك تانى أمشى ملكش أم يأبغض من شيطانى.مشيت وعارف انى مش راجل بيتى تانى قطر الحياة بيعدى بسرعة.سنة فـ سنة فـ سنة وانا زى ماانا من لما كان عندى سنة هيا هيا الحياة هوا هوا انا انا زهقت طهقت من الحياة تقدر تقول مليت انا كل اهلى وأصحابى بقيت وحيد ومنين هجيب فلوس لازم ألاقى طريق جديد فجأة افتكرت جار من سنى ساكن لوحدة طول عمرة أبوة فى أعارة برة مصرى وشهرى فلوس يبعتلو شديتو زى ما اتشديت انا لنفس الطريق لقيت مصدر فلوس جديد وبيت صديق نضرب سوا بفلوسة ملناش زهوء شقى سنين أبوة ضيعناة كلة فى أربع شهور وفى ليلة بنضرب جاتلة مكالمة مسدقهاش أبوة عرف ان ابنة بيسرق وأتنقل انعاش كل عصب فى جسمى اتوتر زودت الجرعة اكتر الجرعة المعتادة خلاص مبقتش تأثر شريط حياتى كلة بيتعرض قدامى أخبار فى اخبار ضربت السم فى عروقى وزوتة اكتر فى اكتر نفسى افنى وأخلص من الدنيا زى المية اتبخر كمان زودت السم جسمى لون أصفر صحبى أتفزع قام واتسرع مالك أصفر لية ياجدع جسمك عرقان وبتترعش زى الى مل الحيا اتلغا... رغم انى غرقان فى العرق جسمى متلج موجوع وجع من خضتى جيت أصلب طولى جسمى على الأرض اترزع جسمى رافض لكل أمر منى لقوة اتهد والدنيا بتضلم تديرجى واحدة واحدة أسودت أخر لقطة فى حياتى شفتها كانت مأساة صحبى مرعوب وبيرائب فراقى للحياة قطر الحياة بيعدى بسرعة.سنة فـ سنة فـ سنة وانا زى ماانا من لما كان عندى سنة هيا هيا الحياة هوا هوا انا انا زهقت طهقت من الحياة تقدر تقول مليت انا عمرى بسرعة انتهى رجعت شريط حياتى ملقتش فى حاجة عدلة تتذكر من الى عملتها حياتى راحت منى كلها ضيعتها ندمان على كل لحظة غمقة فى يوم انا عشتها فيها يارب أدينى فرصة تانى أرجع للحياة همشى فى طريقى صح لحد اخر الحياة دى حاجة صعبة فعلا انك تختفى من الدنيا والناس متفتكركش بحاجة حلوة لوجة الله